d]]هي عنوان سلسة الحلقات الجديدة التي سوف نقدمها لكم في المنتدى العام
وهي عبارة عن عمل جماعي سوف يساهم فيه كل عضو وكل عضوة برأيه
وتجاربه عن الموضوع النقاشي الذي سوف نطرحه ومش هيبقى مجرد عمل نقاشي فقط
بل فيه جوانب تطبيقية أيضا ومعرفية بمعنى أوضح فكرة الموضوع قريبة من
موضوع وقفات مع السنة للأخ العزيز محمد
ولكن هيكون عمل بيمس المواضيع الشبابية بشكل كبير هنتاقش فيها ونوضح
المفارقات اللي بتحصل في السلوكيات والأفعال والمواقف بين الشباب في المواضيع دي
وأيضا هتشمل الجانب الديني لنتبع فيه سنة النبي عليه الصلاة والسلام
والجانب ده أخي الفاضل محمد هيكون مسئول عنه و في امكان أي عضو أو عضوة
بالمشاركة معانا في الموضوع فهو كما ذكرت عمل جماعي هدفه الأول الافادة لنا جميعا والأهم من ذلك
هو التطبيق وليس مجرد القراءة والشكر وفقط هيكون معانا في كل أسبوع موضوع معين
وفي خلال الأسبوع ده هنحاول نطبق وننشر موضوع الأسبوع على أكبر عدد من الأعضاء في المنتدى
وأنتو اللي هتسعدونا في الجانب ده يعني توقيع الحلقة ممكن تشارك معانا وتحطه في التوقيع بتاعك
وتضيف اليه رابط الموضوع ( العنوان الظاهر في الشريط الأبيض الذي يكتب به الموقع )
علشان أكبر عدد يقدر يشوفه ويمكن يغير فيه حاجة و الموضوع يا جماعة مش مقتصر علي مشاركة فردية
الموضوع هيتم بشكل جماعي والكل هيشارك في مننا هيحضر حلقات نتناقش فيها وفي
مننا هيحضر التوقيعات اللي هتصاحب كل حلقة وفي مننا هيهتم بالحوار
والنقاش العميق بين الأعضاء يعني بجد الكل هيشارك وإن كان تقديم الحلقات في البداية هيقتصر
علي عدد معين من الأعضاء فدا فقط في البداية لكن من يجد نفسه قادرا علي أن يضيف
مقارنة أو مفارقة ويطرحها بالبعدين الديني والجانب الحالي فليعلن هذا بارسال رسالة
خاصة لي أو لمحمود *(عابر سبيل )* أو محمد*GeNeRaL* وان شاء الله
ينضم الي فريق العمل المعد للحلقات وغير ذلك فالجميع مشاركون
لأننا بجد كلنا لازم نحاول نغيير من عادات وتقاليد ومفاهيم بنشوفها وبنسمعها كل
يوم في الشارع وفي العمل وفي الجامعة وبما إننا شباب وفتايات المستقبل
فلنحاول فقط أن نصنع طريقا بسيطا بكلمات متواضعة لهذا المستقبل
الذي حتما سيكون مشرقا ما دمنا علي هدي الحبيب صلي الله عليه وسلم
و لو شُفنا ان فيه أعضاء شغالين بشكل كويس وبيقدموا افادة كبيرة هيكون في
تكريم لهم من قبل المنتدى العام ولقب شرفي متميز والأهم من ده كله الثواب
والحسنات اللي بيجمعها من خلال إفادة غيره
ده مجرد توضيح بسيط لفكرة العمل اللي هنقدمه ليكم
ويارب يكون نال استحسانكم
وفي انتظار مقترحاتكم وآرائكم وتفاعلكم الايجابي
التوقيع الخاص بهذا العمل لمن يرغب في المشاركة معنا [/b]
المزاج